घामे-घामे डिहुवामे, मुस कोर्लेक् याड बा महिन।

अंकर 'अन्जान सहयात्री'
पथरैया-4 जबलपुर,कैलाली

घामे-घामे डिहुवामे, मुस कोर्लेक् याड बा महिन।
मुस कोर्टी पुलै-पुला, धान चोर्लेक् याड बा महिन।

खैंचा छिट्वा लैके, डिहुवै-डिहुवै घाँस चोराईबेर।
भागट2 उहैं खेट्वम्, घाँस छोर्लेक् याड बा महिन।

छेग्री भेंरी चराइ जाइबेर, डिहुवामे घाँस नाई मिल्के।
सारा भेंरी गहुँ मस्रिम्, डिनभर डोर्लेक् याड बा महिन।

लडियै-लडियै मच्छी मर्टी, फर्ह्रुवा लैके गेंगटा कोर्टी।
लालेलुलुङ् संघरियक्, मुन्टा फोर्लेक् याड बा महिन।

कबु गुर्टासे कबु लब्डासे, हाँठसे निशाना लगा-लगा।
महटान बगियक् सारा, आँम झोर्लेक याड बा महिन।