बड्डी फोन कर्ली घरम पानी चुवाटा कली | यी हप्ताके पहिलो गजल "बिग्रल चुक्कुसे " आईल बा

बिग्रल चुक्कू
राम कुमार डंगौरा थारु
बोक्लौहुवा ,कैलाली

बड्डी फोन कर्ली घरम पानी चुवाटा कली
खरक घर आँधी पानी रातक मुवाटा कली

अत्र सुन्नु त म्वारआँखिसे आँश आईगिल
सम्झैनु बड्डी हुकिन मन खुब रुवाटा कली

कोन जुनिक पाप कर्ली असिन जिन्गि देनै
रहल खुशि आज' आँश से मुँ धुवाटा कली

गरिब जिन्गि हमा बड्डी बड्डा रुइली फोनम
घर पक्की बनाब चिन्टा मनम छुवाटा कली

छोर्क अईनु प्रदेश घरक दुखसब हटैम कैके
हलहल अईहो बड्डो नरम जिउ सुवाटा कली