मुक्तक

टूहार फोटू चोराइल नै हु
सोच्थु मजा बौराइल नै हु

कैसिक चलता यि दुनियाँ
बातु बिग्रल ओराइल नै हु

बिग्रल चुक्कू

तुहार उ सम्झना जिए नै देहथो
प्रदेश मा मजा से पिए नै देहथो

खै कसिक भुलैना हो तुहि निष्थुरी
सदा नुक नुक का मिलल याद जिया नै देहथो

प्रदीप ( प्रान्त )

मोहनी लगइना तोहर, चाल देख्के ।
फिदा हुइगिलबातु लम्बा, बाल देख्के ।

चुमेबेर चुम्ती मजा, लागेवाला जैसिन ।
देखइती रहना उहे गोहर, गाल देख्के ।

बलराम जुत्कही

बास बैठ्ना घर नाइ रहे, सहर दैदेलो !
मरेकतन रहुँ मै मनो, जिना रहर दैदेलो !

जब मिहिनसे साथ बितैना समय हुइल तो !
अमृत नाइ दैके आज मिहिन, जहर दैदेलो !

युनिक(जुत्कही)

तोहरसंग कसम खाइल याद खास बा प्यारी ।
अइबो एकदिन मोरथन कना आस बा प्यारी ।

तु मानो या नामानो मइ तुहिन हे माया करथु ।
तोहर अशरामे जितिरहना आख्री सास बा प्यारी ।

युनिक(जुत्कही)

मिहिन छोड्के मोर जिन्दगी, बेकार बनादेलो ।
धनी आउर गरीब छुट्याके, प्रकार बनादेलो ।

ऐसिन का गल्ती हुइगिल रहे, इ भाग्यसे कि ।
माया मइ नाइकरे पइना, सरकार बनादेलो ।

युनिक(जुत्कही)