महल नाई हो खारले छाईल पानी चुनहा म्वार घर बा।।

अमर चौधरी
भगत पुर, कैलाली

महल नाई हो खारले छाईल पानी चुनहा म्वार घर बा।।
गरिब के छावा हु टेक्टार नाई हो खेत्वा जोत्ना हर बा।

टु शहर मे बैठ्ना मनै गाउँ घर आेर आइबो कलसे।।
देख्बो खाल उच सक्कु बिग्रल हिला केल डगर बा।।

हमार गाउँ आेर नेता भोट मागेक लाग केल आइथा।।
बिकास कुछुनी कर्ठा बिजुली निहो गाउँ घर अन्धर बा

पहिलेक मनै अशिक्षित रहित भ्वाज कैक कुछुनी जन्ना
साधन प्रयोग नाई कैलक आेरसे हमार भरि परिवार बा

आज आपन घरक बारेम सक्कु बात बाताईतु तुहा थन
कसिन सोच्ठो टु आपन मन फेर्बो कि कैक बहुट डर बा