नस्य पाकल आम देख्नु झोर्क लैजिम कहतु

रेशम चौधरी
बिनौना २ जुरपानी

नस्य पाकल आम देख्नु झोर्क लैजिम कहतु
हमा सुघ्घर सालीक दिल चोर्क लैजिम कहतु

मै अत्ना हिम्मत जुतैला बातु तूहिन का पता
मातिक भित्तर रबो त फे कोर्क लैजिम कहतु

बहुत से बहुत मन परैथु तूहिन कसिक बताउ
खतियम बाँधल रबो त फे छोर्क लैजिम कहतु

जब तूहिन नाना लग्बु बिच दग्रम जे जे मिलि
मै सक्कु जहनक मुन्टा फोर्क लैजिम कहतु