बलैलसे झराली भस्कल अारीँ हेर्क रूईठो कि डा।

रमेश दङ्गाली राज
तुल्सिपुर दाङ

बलैलसे झराली भस्कल अारीँ हेर्क रूईठो कि डा।
बुईलो कि नहि कोक्नि बारी हेर्क रूईठो कि डा।।

बिन्ठुहि बाबा छत्री गैजाँ ख्वालठुहिँ हर जुवाँ फे।
झाल्याँ बर्ढा कहर्टि ग्बँर घारी हेर्क रूईठो कि डा।।

कुटैहो धान पिसैहो पिठाँ डरहो डर्या कर्हो सामा।
छुच्छँ डेर्हि कुत्ठलि उ बखारी हेर्क रूईठो कि डा।।

भाङभुङ्ग बेन्हँवा छरी बिना बिह्यार नि सेक्ना उ।
छोर्वा लालाबाला सद्द अख्वारी हेर्क रूईठो कि डा।।

अईठा टौटिह्वार डश्याँ डेवारी सुनसान रहठुई घर।
फुल्ठुई डौना अो बेब्रि हजारी हेर्क रूईठो कि डा।।