बड्डी फोन कर्ली घरम पानी चुवाटा कली

बिग्रल चुक्कू
राम कुमार डंगौरा थारु
बोक्लौहुवा,कैलाली

बड्डी फोन कर्ली घरम पानी चुवाटा कली
खरक घर आँधी पानी रातक मुवाटा कली

अत्र सुन्तिकिल आँखिसे आँश गिरल म्वार
सम्झैनु बड्डी हुकिन मन खब रुवाटा कली

कोन जुनिक पाप कर्ली असिन जनम देनै
रहल खुशि आज आँश से मुँ धुवाटा कली

गरिब जिन्गी हमा बड्डी,बड्डा रुइली फोनम
घर पक्की बनाब चिन्ट मनम छुवाटा कली

छोर्क अईनु प्रदेश घरक दुखसब हटैम कैक
हलहलअईहो बड्डो नरम जिउ सुवाटा कली